காட்பாடியில் ஆட்டோ திருடியவர் கைது
காட்பாடி , ஏப் 03 -
வேலூர் மாவட்டம் காட்பாடி குமரப்பா நகரை சேர்ந்தவர் வெற்றிவேல் (வயது 54), ஆட்டோ உரிமையாளர். கடந்த 31-ந்தேதி ஆட்டோவை காட்பாடியை அடுத்த கிளித்தான்பட்டறை பகுதியில் ஆட்டோ ஒர்க்ஷாப்பில் பழுது பார்க்க நிறுத்தி வைத்திருந்தார். அதை அன்று இரவு மர்ம நபர் திருடி சென்றுள்ளார். இதுகுறித்து வெற்றிவேல் காட்பாடி காவல் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து ஆட்டோவை திருடிய நபர் குறித்து கண்காணிப்பு கேமரா காட்சிகள் அடிப்படையில் தீவிர விசாரணை நடத்தி வந்தனர். விசாரணையில், ஆட்டோவை திருடியது காட்பாடி தாராபடவேடு வ. உ.சி. நகரை சேர்ந்த பிரபு (வயது 19) என்பது தெரியவந்தது. இதனையடுத்து போலீசார், அவரை கைது செய்து, ஆட்டோவை பறிமுதல் செய்தனர்.
காட்பாடி தாலுகா செய்தியாளர் கே எஸ் அருண்
கருத்துகள் இல்லை:
கருத்துரையிடுக