சிவகங்கை உழவர் சந்தையில் விவசாயிகளுக்கு டிஜிட்டல் பண பரிவர்த்தனை சேவை தொடக்கம்.
சிவகங்கை மாவட்டம் சிவகங்கையில் உள்ள உழவர் சந்தையில் விவசாயிகளுக்கு டிஜிட்டல் பண பரிவர்த்தனை சேவைக்கு ஏற்பாடு செய்யப்பட்டுள்ளது. உழவர் சந்தை விவசாயிகள் பெயரில் சேமிப்பு கணக்கு தொடங்கி, அதற்கான 'கியூ ஆர்' குறியீடு வழங்கப்பட்டுள்ளது. இனிமேல் நுகர்வோர்கள் காய்கறி மற்றும் பழங்கள் உள்ளிட்டவற்றுக்கான தொகையை கியூ ஆர் குறியீட்டை மொபைல் போனில் ஸ்கேன் செய்து பரிவர்த்தனை செய்துகொள்ளலாம் மற்றும் தங்கள் வங்கி கணக்குகளில் உள்ள பணத்தை எடுத்துக்கொள்ளலாம். நுகர்வோர் பணம் செலுத்தியதும் விவசாயிகளின் மொபைலுக்கு குறுந்தகவல் அல்லது வாய்ஸ் மெசேஜ் வரும். மேலும் நுகர்வோர் மொபைலில் விவசாயி பெயர், கணக்கு எண் பதிவாகும் என்றும் தெரிவிக்கப்பட்டுள்ளது. மேலும் விவசாய பெருமக்களை சந்தித்து டிஜிட்டல் சேவையை தொடங்கி வைத்த பின்னர் மாவட்ட வேளாண் துணை இயக்குநர் திருமதி தமிழ்ச்செல்வி (வேளாண் வணிகம் மற்றும் விற்பனை) அவர்கள் கியூ ஆர் குறியீட்டு அட்டைகளை விவசாயிகளுக்கு வழங்கினார் என்பது குறிப்பிடத்தக்கது. இந்நிகழ்வில் மாவட்ட வேளாண்துறையை சேர்ந்த அலுவலர்கள், நுகர்வோர் மற்றும் விவசாய பெருமக்கள் கலந்து கொண்டனர்.
கருத்துகள் இல்லை:
கருத்துரையிடுக