தூத்துக்குடி மாவட்டம் ஏரல் சேர்மன் அருணாசல சுவாமி கோவில் ஆடி அமாவாசை திருவிழா இன்று கொடியேற்றத்துடன் தொடங்கியது.

தூத்துக்குடி மாவட்டத்தில் இரண்டாவது, பெரு வணிக நகரமாக விளங்குவது ஏரல் ஆகும். இங்குள்ள நூற்றாண்டு பழமை மிக்க ஏரல் சேர்மன் அருணாச்சல சுவாமி கோவிலில் ஆடி மற்றும் தை மாதங்களில் அமாவாசை திருவிழா 11 நாட்கள் நாட்கள் மிகவும் சிறப்பாக நடைபெறும். 

தற்போது நிகழாண்டு ஆடி அமாவாசை திருவிழா கொடி ஏற்றும் நிகழ்வு இன்று காலை 8 மணிக்கு கோவிலில் நடைபெற்றது. அதற்கு முன்னதாக அதி காலையில் சிறப்பு பூஜைகள் நடைபெற்றது. பின்னர் கொடிப்பட்டம் அலங்கரிக்கப்பட்டு மூலவரின் சன்னதியை சுற்றி ஊர்வலமாக வந்து கொடியேற்றப்பட்டது. 

கொடியேற்ற விழாவில் ஏராளமான பக்தர்கள் கலந்து கொண்டு சுவாமி தரிசனம் செய்தனர். வருகிற 16-ந்தேதி (புதன்கிழமை) ஆடி அமாவாசை திருவிழா நடக்கிறது. அன்று பகல் சுவாமி உருகு பலகையில் கற்பூரவிலாசம் வரும் காட்சி, அபிசேக ஆராதனை, மாலை இலாமிச்சவேர் சப்பரத்தில் சேர்ம திருக்கோல பவனி, இரவு 1-ம் காலம் கற்பக பொன் சப்பரத்தில் எழுந்தருளல் நடக்கிறது. நிகழ்ச்சி ஏற்பாட்டினை கோவிலின் பரம்பரை அக்தார் அ.ரா.க.அ.கருத்த பாண்டியன் நாடார் செய்து வருகிறார்.

விழாவை முன்னிட்டு 16.08.2023 அன்று (புதன்கிழமை) தூத்துக்குடி, திருநெல்வேலி மற்றும் தென்காசி ஆகிய இடங்களில் இருந்து சிறப்பு பேருந்துகள் இயக்கப்படுகின்றன.

- தமிழக குரல் செய்திகளுக்காக Vn சரவணன்.